ប្រព័ន្ធផ្សព្វផ្សាយ​បង្កើត​ថ្មី

វិទ្យុសម្បុកឃ្មុំ- FM 105

វិទ្យុសម្បុកឃ្មុំ ត្រូវបានផ្តល់អាជ្ញាប័ណ្ណពីក្រសួងព័ត៌មាន កាលពីថ្ងៃទី៦ ខែតុលា ឆ្នាំ១៩៩៧។ នៅពេលនោះ វិទ្យុនេះបានស្ថិតនៅក្រោមការគ្រប់គ្រងរបស់សមាគមអភិវឌ្ឍន៍សេដ្ឋកិច្ចកម្ពុជា (CAfED)។ សម្បុកឃ្មុំចាប់ផ្តើមផ្សព្វផ្សាយកម្មវិធីរបស់ខ្លួន នៅខែសីហា ឆ្នាំ១៩៩៦ និងបានក្លាយទៅជាផ្នែកមួយនៃអង្គភាពឯកជន សូណង់ដូ ក្នុងរយៈពេលមួយខែ បន្ទាប់ពីដំណើរការ។ យោងតាមវិទ្យុ វិទ្យុសម្បុកឃ្មុំត្រូវបានចោរចូលលួច នៅក្នុងឆ្នាំ១៩៩៧ ដោយជនមិនស្គាល់មុខ។ ខណៈពេលដែលរដ្ឋាភិបាលកម្ពុជាបានសន្យាថា នឹងសងសំណងទៅឲ្យម្ចាស់ និងស្ថាបនិក លោក ម៉ម សូណង់ដូ ចំពោះការខូចខាតនេះ ជាទឹកប្រាក់ចំនួន ៧ម៉ឺនដុល្លារ ប៉ុន្តែលោកសូណង់ដូបានអះអាងថា លោកមិនធ្លាប់បានទទួលសំណងនោះទេ។ ចាប់ពីឆ្នាំ១៩៩៨ ដល់ឆ្នាំ១៩៩៩ វិទ្យុនេះត្រូវបានបញ្ឈប់ជាបណ្តោះអាសន្ន បន្ទាប់ពីធ្វើសេចក្តីរាយការណ៍ពីបាតុកម្ម ដែលបានកើតឡើង បន្ទាប់ពីមានសេចក្តីប្រកាសពីលទ្ធផលនៃការបោះឆ្នោតថ្នាក់ជាតិ ឆ្នាំ១៩៩៨។ នៅពេលដែលវិទ្យុនេះចាប់ផ្តើមការផ្សាយរបស់ខ្លួនឡើងវិញ វាបានចាប់ផ្តើមផ្សាយកម្មវិធីព័ត៌មានរបស់វិទ្យុសំឡេងសហរដ្ឋអាមេរិក និងវិទ្យុអាស៊ីសេរី ប៉ុន្តែត្រូវបានបញ្ឈប់ការផ្សាយម្តងទៀត នៅចន្លោះឆ្នាំ២០០២ និងឆ្នាំ២០០៣ បន្ទាប់ពីការសម្រេចរបស់រដ្ឋាភិបាល។ នៅក្នុងឆ្នាំ២០០៣ វិទ្យុនេះបានពង្រីកការគ្របដណ្តប់ការផ្សាយរបស់ខ្លួននៅក្នុងប្រទេស យោងតាម RSF វិទ្យុសម្បុកឃ្មុំបានដើរតួនាទីយ៉ាងសំខាន់ នៅក្នុងបង្ហាញនូវស្ថានភាពប្រព័ន្ធផ្សព្វផ្សាយ ដោយសារតែវិទ្យុនេះ បានជួលម៉ោងផ្សាយទៅឲ្យគណបក្សប្រឆាំងនៅកម្ពុជា អង្គការសង្គមស៊ីវិល និងរក្សាការចាក់ផ្សាយពីវិទ្យុសំឡេងសហរដ្ឋអាមេរិក និងវិទ្យុអាស៊ីសេរី។ វិទ្យុនេះជាកម្មសិទ្ធិរបស់ សូណង់ដូ Co., Ltd ហេីយអាជ្ញាប័ណ្ណផ្សាយ ត្រូវបានកាន់កាប់ដោយលោកស្រី ឌិន ផាន់ណារ៉ា ដែលជាភរិយារបស់លោក ម៉ម សូណង់ដូ។

ការពិតសំខាន់

ការគាំទ្រពីមិត្តអ្នកអាន

៥%

ប្រភេទនៃភាពជាម្ចាស់កម្មសិទ្ធិ

ឯកជន

លទ្ធភាព​ចែកចាយ

ទូទាំងប្រទេស

ប្រភេទមាតិកា

ឥតគិតថ្លៃ

ក្រុមហ៊ុនប្រព័ន្ធផ្សព្វផ្សាយ/ក្រុម

ក្រុមហ៊ុន សូណង់ដូ ខូអិលធីឌី

ភាពជាម្ចាស់កម្មសិទ្ធិ

រចនាសម្ព័ភាពជាម្ចាស់កម្មសិទ្ធិ

លោក ម៉ម សូណង់ដូ គឺជាស្ថាបនិក និងជានាយកស្ថានីយ៍វិទ្យុសំបុកឃ្មុំ FM ១០៥ MHz

ម្ចាស់កម្មសិទ្ធិផ្ទាល់ខ្លួន

ក្រុមហ៊ុនប្រព័ន្ធផ្សព្វផ្សាយ/ក្រុម
ការពិត

ព័ត៌មានទូទៅ

ឆ្នាំបង្កើត

1995

ស្ថាបនិក

លោក ម៉ម សូណង់ដូ

ទំនាក់ទំនង

Toul Thnout Village, Koki Commune, Kean Svay District, Kandal Province, Cambodia(PHONE) 012 994 939(MAIL) sbk105.net@gmail.com(WEB) www.sbk105.net

ព័ត៌មានស្តីពីហិរញ្ញវត្ថុ

ប្រាក់ចំណូល (ជា Mill. $)

Missing Information

ប្រតិបត្តិការប្រាក់ចំណេញ (ជា Mill. $)

Missing Information

ការផ្សាយពាណិជ្ជកម្ម (ជា % នៃការឧបត្ថម្ភ)

Missing Information

ចំណែកទីផ្សារ

Missing Information

ព័ត៌មានបន្ថែម

ប្រភពនៃប្រវត្តិប្រព័ន្ធផ្សព្វផ្សាយ

ទិដ្ឋភាពប្រព័ន្ធផ្សព្វផ្សាយនៅកម្ពុជា រាប់បញ្ចូលប្រព័ន្ធផ្សព្វផ្សាយថ្មីៗ យ៉ាងហោចណាស់ចំនួនពីរ គឺទូរទស្សន៍មួយ និងកាសែតមួយ។ ដោយសារតែស្ថានីយទូរទស្សន៍ និង​កាសែត​នេះ​ទើបចាប់​ផ្តើមសកម្មភាពផ្សាយ និង​បោះពុម្ព​របស់ខ្លួន នៅឆ្នាំ២០១៥នេះ គម្រោង​ MOM សម្រេចមិនបញ្ចូលស្ថាប័ន​ទាំង​ពីរ​នេះ​ ទៅ​ក្នុង​ចំណោម​ស្ថាប័ន​ដែល​ជាប់ពាក់ព័ន្ធបំផុត​ក្នុង​ការ​សិក្សានេះ​ទេ។ ដោយហេតុថា ប្រព័ន្ធផ្សព្វផ្សាយទាំងពីរ ទើបតែបង្កើតបានតិចជាងមួយឆ្នាំ ចំណែកទីផ្សារ​នៃ​ទស្សនិកជនដែល​យើង​មាន​ នៅមិនទាន់អាច​ប្រាប់​ពី​ប្រជាប្រិយភាព​នៃ​ស្ថាប័ន​ទាំង​ពីរ​នេះ​នៅ​ឡើយ​ទេ​។

យ៉ាងណាក្តី ជាការគួរឲ្យកត់សម្គាល់មួយ ដែលកំណើនរបស់ស្ថានីយថ្មីនេះ កំពុងមានសម្ទុះ​យ៉ាងខ្លាំង ហើយ​យុទ្ធសាស្ត្ររបស់គេ ក៏ហាក់មានភាពក្តៅគគុកជាងប្រព័ន្ធផ្សព្វផ្សាយមានស្រាប់ក្នុងទីផ្សារ។ ស្ថាប័ន​​ទាំងពីរ​នេះ កំពុងប្រមូលយកអ្នកយកព័ត៌មាន និងបុគ្គលិកការិយាល័យព័ត៌មានមានស្រាប់​ ដោយធ្វើ​ឲ្យមានការប្រកួតប្រជែងកាន់តែខ្លាំង ទាំងក្នុងវិស័យទូរទស្សន៍​ ទាំងវិស័យបោះពុម្ពផ្សាយ ដែលមានការប្រមូលផ្តុំខ្លាំងរួចស្រាប់ទៅហើយ។​